martedì 5 gennaio 2016

Ave Maria Virgo Serena








Ave Maria, gratia plena, 
Dominus tecum—virgo serena. 
Benedicta tu in mulieribus— 
que peperpisti pacem hominibus 
et angelis gloriam. 

Et benedictus fructus ventris tui -
qui coheredes ut essemus sui 
nos, fecit per gratiam. 

Per hoc autem Ave 
Mundo tam suave, 
Contra carnis iura 

Genuisti prolem 
Novum stella solem 
Nova genitura. 

Tu parvi et magni, 
Leonis et agni, 
Salvatoris Christi 
Templum extitisti, 
Sed virgo intacta. 

Tu floris et roris, 
Panis et pastoris, 
Virginum regina 
Rosa sine spina, 
Genitrix es facta. 

Tu civitas regis iusticie, 
Tu mater es misericordie, 
De lacu fæcis et miseriæ 
Pænitentem reformans gratie. 

Te collaudat celestis curia, 
Tibi nostra favent obsequia, 
Per te reis donatur venia. 
Per te justis confertur gratia.

Ergo maris stella, 
Verbi Dei cella 
Et solis aurora, 
Paradisi porta, 
Per quam lux est orta, 
Natum tuum ora, 

Ut nos solvat a peccatis, 
Et in regno claritatis 
Quo lux lucet sedula, 
Collocet per secula. Amen.

Nessun commento:

Posta un commento