19 GIUGNO 2011

SS. TRINITA'

Simbolo Atanasiano

Ant. Glória tibi, Trinitas *

aequális, una Déitas, et ante ómnia saecula, et nunc, et in perpétuum.

1. Quicúmque vult salvus esse, * ante ómnia opus est, ut téneat cathólicam fidem.

2. Quam nisi quisque íntegram inviolatámque se iváverit, * absque dúbio in aetérnum peribit.

3. Fides autem cathólica hic est: * ut unum Deum in Trinitáte, et Trinitátem in unitáte venerémur.

4. Neque confundéntes persónas, * neque substántiam separántes.

5. Alia est enim persóna Patris, ália Fílii, * ália Spiritus Sancti.

6. Sed Patris, et Fílii, et Spiritus Sancti una est divínitas, * æquális glória, coatérna maiéstas.

7. Qualis Pater, talis Filius,* talis Spiritus Sanctus.

8. Increátus Pater, increátus Fílius,* increátus Spíritus Sanctus.

9. Imménsus Pater, imménsus Filius, * imménsus Spíritus Sanctus.

10. Aetérnus Pater, atérnus Fílius, * ætérnus Spíritus Sanctus.

11. Et tamen non tres atérni, * sed unus ætérnus.

12. Sicut non tres increáti, nec tres imménsi, * sed unus increátus, et unus immensus.

13. Simíliter omnipotens Pater, omnípotens Fílius,* omnipotens Spíritus Sanctus.

14. Et tamen non tres omnipoténtes, * sed unus omnípotens.

15. Ita Deus Pater, Deus Fílius, * Deus Spíritus Sanctus.

16. Et tamen non tres Dii, * sed unus est Deus.

17. Ita Dóminus Pater, Dóminus Filius, * Dóminus Spiritus Sanctus.

18. Et tamen non tres Dómini,* sed unus est Dóminus.

19. Quia, sicut singillátim unamquamque persónam Deum ac Dóminum confitéri christiána

veritáte compéllimur:* ita tres Deos aut Dóminos dícere cathólica religióne prohibemur.

20. Pater a nullo est factus:* nec creátus, nec génitus.

21. Fílius a Patre solo est:* non factus, nec creátus, sed génitus.

22. Spiritus Sanctus a Patre et Fílio:* non factus, nec creátus, nec génitus, sed procédens.

23. Unus ergo Pater, non tres Patres: unus Fílius, non tres Filii:*

unus Spíritus Sanctus, non tres Spiritus Sancti.

24. Et in hac Trinitáte nihil prius aut postérius, nihil maius aut minus:*

sed totae tres persónae coaetérnae sibi sunt et coæquáles.

25. Ita ut per ómnia, sicut iam supra dictum est,*

et únitas in Trinitáte, et Trinitas in unitáte veneránda sit.

26. Qui vult ergo salvus esse, * ita de Trinitáte séntiat.

27. Sed necessárium est ad ætérnam salútem,*

ut Incarnatiónem quoque Dómini nostri Iésu Christi fidéliter credat.

28. Est ergo fides recta ut credámus et confiteámur,*

quia Dóminus noster Iésus Christus, Dei Filius, Deus et homo est.

29. Deus est ex substántia Patris ante sæcula génitus:*

et homo est ex substántia matris in sæculo natus.

30. Perféctus Deus, perféctus homo:* ex ánima rationáli et humána carne subsístens.

31. Aequális Patri secúndum divinitátem;* minor Patre secúndum humanitátem.

32. Qui, licet Deus sit et homo, * non duo tamen, sed unus est Christus.

33. Unus autem non conversióne divinitátis in carnem, * sed assumptióne humanitátis in Deum.

34. Unus omníno, non confusióne substántiae, * sed unitáte persónæ.

35. Nam sicut ánima rationális et caro unus est homo:* ita Deus et homo unus est Christus.

36. Qui passus est pro salúte nostra: descéndit ad ínferos:* tértia die resurréxit a mórtuis.

37. Ascéndit ad cælos, sedet ad déxteram Dei Patris omnipoténtis:*

inde ventúrus est iudicáre vivos et mórtuos.

38. Ad cuius advéntum omnes homines resurgere habent cum corpóribus suis:*

et redditúri sunt de factis própriis ratiónem.

39. Et qui bona egérunt, ibunt in vitam ætérnam:* qui vero mala, ingnem ætérnum.

40. Hæc est fides cathólica,*

quam nisi quisque fidéliter firmitérque credíderit, salvus esse non póterit.

41. Glória Patri…

Ant. Glória tibi, Trinitas*

aequális, una Déitas, et ante ómnia saecula, et nunc, et in perpétuum.

Dómine, exáudi oratiónem meam.

Et clamor meus ad te véniat.

Sacerdotes addunt:

Dóminus vobíscum.

Et cum spiritu tuo.

Oremus. Omnipotens sempitérne Deus, qui dedisti fámulis tuis, in confessióne veræ fidei, ætérnæ Trinitátis glóriam agnóscere, et in poténtia maiestátis adoráre unitátem: quæsumus; ut, eiúsdem fidei firmitáte, ab ómnibus semper muniámur advérsis. Per Dóminum nostrum Iesum Christum Fìlium tuuum: qui tecum vivit et regnat in unitàte Spìritus Sancti Deus, per òmia sæcula seculorum. Amen.