O bone et dulcissime Jesu

O bone et dulcissime Jesu




O bone et dulcissime Iesu
per tuam misericordiam esto mihi Iesus!
Quid est Iesus nisi plasmator, nisi redemptor, nisi salvator.
Ergo, bone et dulcissime Iesu,
qui me plasmasti tua benignitate,
rogo te, ne pereat opus tuum mea iniquitate.
Ergo quaeso, anhelo, suspiro
ne perdas quod tua fecit omnipotens divinitas.
Recognosce quod tuum est
et ne respicias quod meum est.
Noli cogitare malum meum,
ut obliviscaris bonum tuum.
Si ego commisi per quod dannare me debes,
tu non amisisti unde me salvare potes.
Et si secundum iustitiam tuam dannare me vis,
ad tuam piissimam et ineffabilem misericordiam appello.
Ergo quaeso: miserere mei,
secundum magnam misericordiam et pietatem tuam. Amen.